Hreppsnefnd Ásahrepps

Mál nr. 1; Ás 3 1-8lóð L204637; Skilgreining frístundalóðar; Deiliskipulag - 2508021.
Lögð er fram tillaga deiliskipulags, eftir auglýsingu, sem tekur til Áss 3 I-8 lóð L204637 í Ásahreppi. Í deiliskipulaginu felst að skilgreindur er byggingarreitur á lóðinni þar sem heimilt er að reisa allt að 200 fm frístundahús, 40 fm gestahús og 25 fm geymslu. Umsagnir bárust á auglýsingatíma og eru þær lagðar fram við afgreiðslu málsins ásamt viðbrögðum við þeim.
Hreppsnefnd Ásahrepps samþykkir samhljóða framlagt deiliskipulag eftir auglýsingu. Hreppsnefndin telur að brugðist hafi verið við umsögnum sem bárust vegna málsins með fullnægjandi hætti innan gagnanna. Hreppsnefndin mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.

Mál nr. 2; Bergholt L238505; Íbúðarhús, gestahús og hesthús; Deiliskipulag - 2503060.
Lögð er fram, eftir auglýsingu og afgreiðslu Skipulagsstofnunar, tillaga nýs deiliskipulags sem tekur til Bergholts L238505 í Ásahreppi. Svæðið er skilgreint sem landbúnaðarsvæði og þar verður heimilt að byggja íbúðarhús, gestahús og hesthús/reiðhöll. Athugasemdir bárust frá Skipulagsstofnun og eru þær lagðar fram við afgreiðslu málsins ásamt uppfærðum gögnum og undanþágu frá ákvæði d-liðar 5.3.2.5 gr. skipulagsreglugerðar nr. 90/2013 um fjarlægð byggingar frá stofn- og tengivegum.
Hreppsnefnd Ásahrepps samþykkir samhljóða framlagt deiliskipulag eftir auglýsingu. Hreppsnefndin telur að brugðist hafi verið við umsögnum sem bárust vegna málsins með fullnægjandi hætti innan gagnanna. Hreppsnefndin mælist til þess að deiliskipulagið taki gildi með birtingu auglýsingar í B-deild Stjórnartíðinda í samræmi við 42. gr. skipulagslaga nr. 123/2010.

Mál nr. 20; Afgreiðslur byggingarfulltrúa - 26-242 - 2601003F.
Lögð fram til kynningar fundargerð afgreiðslufundar byggingarfulltrúa UTU nr. 26-242.

Fundargerðir lagðar fram til kynningar.

Hreppsnefnd Ásahrepps samþykkir samhljóða tillögu og bókun stjórnar UTU.

Að öðru leyti er fundargerð til kynningar.

Hreppsnefnd Ásahrepps samþykkir hér með á fundi sínum að veita einfalda ábyrgð á láni Brunavarna Rangárvallasýslu hjá Lánasjóði sveitarfélaga og veðsetja tekjur sveitarfélagsins til tryggingar ábyrgðinni, sbr. heimild í 2. mgr. 68. gr. og 1. mgr. 69. gr. sveitarstjórnarlaga nr. 138/2011. Ábyrgðin nær til láns að fjárhæð, allt að kr. 45.000.000,- ásamt vöxtum, verðbótum, dráttarvöxtum, uppgreiðslugjaldi og öðrum kostnaði, samkvæmt þeim lánaskilmálum sem í boði eru þegar lánið er tekið. Lántakan er í formi langtímaláns í þeim skuldabréfaflokkum sem Lánasjóðurinn býður hverju sinni. Hreppsnefnd hefur kynnt sér skilmála viðkomandi skuldabréfaflokka eins og þeir birtast á heimasíðu Lánasjóðsins. Samþykkið nær jafnframt til undirritunar lánasamnings og þess að sveitarfélagið taki á sig þær skyldur sem þar greinir.
Lánið er tekið til fjármögnunar á nýjum dælubíl Brunavarna Rangárvallasýslu bs. sem staðsettur verður í slökkvistöðinni á Hellu. Um er að ræða verkefni sem hefur almenna efnahagslega þýðingu, sbr. 3. gr. laga nr. 150/2006 um stofnun opinbers hlutafélags um Lánasjóð sveitarfélaga.
Hreppsnefnd Ásahrepps skuldbindur sveitarfélagið sem eiganda Brunavarna Rangárvallasýslu bs til að selja ekki eignarhlut sinn til einkaaðila, í heild eða að hluta, fyrr en lánið hefur verið að fullu greitt.
Ef sveitarfélagið selur eignarhlut sinn til annarra opinberra aðila, skuldbindur sveitarfélagið sig til að tryggja að nýr eigandi yfirtaki ábyrgð á láninu í hlutfalli við eignarhlut sinn í félaginu.
Jafnframt er Valtý Valtýssyni, sveitarstjóra, kt. 221060-2379, veitt fullt og ótakmarkað umboð til að undirrita lánasamning við Lánasjóð sveitarfélaga f.h. Ásahrepps, sem og til að móttaka, undirrita, gefa út og afhenda öll skjöl, fyrirmæli og tilkynningar sem tengjast lántökunni, þar á meðal beiðni um útborgun láns.

Hreppsnefnd Ásahrepps samþykkir samhljóða fyrir sitt leyti breytingu á hluta 10. gr. stofnsamnings er varðar m.a. ársreikning og endurskoðanda, eins og fram kemur í bókun Héraðsnefndar.

Dagskrárliður 5.a. - Tillögur að breytingum á samþykktum.
Tekinn er sérstaklega fyrir liður 5.a. í fundargerð aukaaðalfundar Sorpstöðvar Suðurlands frá 16. janúar 2026 um tillögur að breytingu á samþykktum Sorpstöðvarinnar.

Lagðar eru fram til fyrri umræðu breytingar á samþykktum Sorpstöðvar Suðurlands bs. ásamt fundargerð aukaaðalfundar Sorpstöðvarinnar frá 16. janúar 2026. Lagt er til að sveitarstjórn samþykki að vísa fyrirliggjandi tillögu að breytingum á samþykktum Sorpstöðvar Suðurlands bs. til seinni umræðu.
Hreppsnefnd Ásahrepps samþykkir samhljóða að vísa þessum tillögum að breytingum til seinni umræðu á næsta reglubundna fundi hreppsnefndar.

Dagskrárliður 5.c. - Tillaga að viðauka við fjárhagsáætlun ársins 2026.
Tekinn er sérstaklega fyrir liður 5.c. í fundargerð aukaaðalfundar Sorpstöðvar Suðurlands frá 16. janúar 2026 um viðauka við fjárhagsáætlun Sorpstöðvarinnar.

Lagður er fram til samþykktar viðauki við fjárhagsáætlun Sorpstöðvar Suðurlands bs. ásamt fundargerð aukaaðalfundar Sorpstöðvarinnar frá 16. janúar 2026. Lagt er til að sveitarstjórn samþykki viðaukann.

Ekki er gert ráð fyrir auknum framlögum aðildarsveitarfélaga SOS vegna viðaukans.

Hreppsnefnd Ásahrepps samþykkir samhljóða framlagðan viðauka fyrir sitt leyti.

Aðrir dagskrárliðir eru til kynningar.

Til kynningar.

Til kynningar.

Til kynningar.

Vísað er til afgreiðslu hreppsnefndar Ásahrepps varðandi fundargerð aukaaðalfundar SOS sem haldinn var 16. janúar 2026.
Til kynningar.

Til kynningar.

Til kynningar.

Til kynningar.

Til kynningar.

Til kynningar.

Til kynningar.

Til kynningar.

Hreppsnefnd Ásahrepps samþykkir samhljóða að tilnefna Kristínu Hreinsdóttur sem aðalmann og Helgu B. Helgadóttur sem varamann sem fulltrúa Ásahrepps í farsældarráð Suðurlands.

Hreppsnefnd Ásahrepps samþykkir samhljóða að veita styrk að upphæð kr. 60.000.

Hreppsnefnd Ásahrepps samþykkir samhljóða að styrkja verkefnið að upphæð kr. 5.000.

Hreppsnefnd Ásahrepps samþykkir samhljóða að fjárfesting í stofnstígum verði í forgangi gagnvart öðrum umsóknum um fjárframlög við útivistarstígagerð.
Hreppsnefnd Ásahrepps samþykkir framlögð drög að endurskoðuðum verklagsreglum og sveitarstjóra falið að ganga frá smávægilegum breytingum í samræmi við umræður á fundinum. Sveitarstjóra falið að birta síðan verklagsreglur á heimasíðu Ásahrepps.

Lagðar fram umsóknir og voru þær ræddar. Oddvita og sveitarstjóra falið að ganga frá ráðningu skrifstofustjóra í samráði við Mögnun ráðningarstofu.

Til kynningar.

Til kynningar.

Til kynningar.