12. fundur hreppsnefndar Ásahrepps verður haldinn miðvikudaginn 19. apríl 2023 á skrifstofu Ásahrepps að Laugalandi í Holtum. Fundur hefst klukkan 8:30.
Samfélag okkar nær og fjær er harmi slegið vegna andláts Guðjóns Björnssonar á Syðri-Hömrum sem fórst í hörmulegu slysi þann 17. mars sl. Við finnum öll að þörfin er knýjandi að sýna samhug í verki og því hefur verið hrundið af stað fjársöfnun til stuðnings konu hans og börnunum þeirra þremur.
Félags- og Skólaþjónusta Rangárvalla- og Vestur- Skaftafellssýslu auglýsir eftir ritara í 70% starf. Leitað er að metnaðarfullum einstaklingi sem býr yfir góðri tölvukunáttu og góðum samskiptahæfileikum. Þau fimm sveitarfélög sem mynda byggðasamlag um Félags- og Skólaþjónustu eru: Ásahreppur, Rangárþing ytra, Rangárþing eystra, Mýrdalshreppur og Skaftárhreppur. Íbúar eru tæplega sex þúsund.
11. fundur hreppsnefndar Ásahrepps verður haldinn miðvikudaginn 15. mars 2023 á skrifstofu Ásahrepps að Laugalandi í Holtum. Fundur hefst klukkan 8:30.
VISS vinnu og hæfingarstöð óskar eftir að ráða deildastjóra sem allra fyrst í 55% stöðu sem getur aukist með vorinu. VISS er vinnustaður fyrir fólk með skerta starfsgetu sem vinnur eftir hugmyndafræði „þjónandi leiðsögn“ og „sjálfstætt líf. Um er að ræða nýja starfseiningu á Hvolsvelli sem hóf starfsemi í janúar 2021. Deildarstjórinn vinnur samkvæmt lögum 38/2018 um þjónustu við fatlað fólk með langvarandi stuðningsþarfir og lögum um félagsþjónustu sveitarfélaga nr. 40/1991 auk tengdra reglugerða.
Skólaþjónusta Rangárvalla- og Vestur-Skaftafellssýslu, auglýsir eftir leikskólaráðgjafa í hópinn. Nýbúið er að sameina Félags- og skólaþjónustu Rangárvalla- og Vestur-Skaftafellssýslu og kæmi leikskólaráðgjafi að mótun verkefna í samstarfi við aðra starfsmenn hjá stofnuninni.
Sunnudaginn 12. febrúar er guðsþjónusta kl. 14.00. Ritningarlestur, predikun, bænir og kórinn syngur við undirleik Eyrúnar organista. Verið velkomin í kirkju.
Félagsþjónusta Rangárvalla- og Vestur Skaftafellssýslu heldur utan um afgreiðslu sérstaks húsnæðisstuðnings sem sveitarfélögum er skylt að greiða samkvæmt lögum um húsnæðisbætur nr. 76/2016. Sérstakur húsnæðisstuðningur kemur þá í stað sérstakra húsaleigubóta. Nánari upplýsingar um skilyrði fyrir samþykki umsóknar og fjárhæð sérstaks húsnæðisstuðnings má sjá í reglum um sérstakan húsnæðisstuðning inn á heimasíðu Félagsþjónustunnar, www.felagsmal.is.
Því miður þurftum við að fella niður aftansönginn á aðfangadag vegna veðurs og ófærðar, en í staðinn verður sameiginleg jóla- og áramótaguðsþjónusta í Kálfholtskirkju á gamlársdag kl. 14.00 fyrir prestakallið.
Vegna slæmrar veðurspár hefur verið tekin ákvörðun um að fresta upplýsingafundi um félagsþjónustu og félagsstarf eldri borgara sem halda átti mánudaginn 19. desember n.k. að Laugalandi.